Literatuur

Gepubliceerd op 22 december 2012 | door Webloug

0

Winternummer Krödde is oet

t Winternummer van Grunneger Tiedschrift Krödde is weer oet. Ditmoal n interview mit Jan de Jong. Op Tjamsweer bie Daam geboren. Noa n carrière ien t leger haar e tied omhanden en is e schrie­ven goan: ‘Ien Azzen en doar­noa ien Beem heb k n Grun­neger cursus volgd. Toch wel stoer omre­den ik t nait proaten dee ien zo’n dikke dareg joar. Coby Vermeeren het mie dou aan­pittjed der wat mit te doun.’
Ien dit winternummer ook weer ais n kerstverhoal, van Henk Puister: ‘Kerstoa­vend, jong. Minsen zitten aalmoal bie kaggel te gappen en te loeren,’ zegt de man aan aanderkaande tapkaaste en mit nemt hai n veur­zichteg slokkie van zien lutje pils. ‘Bie kerst­bome zitten ze.’
Erik van der Veen schrift over n scheuvelloper dij t scheu­veln mor min opgeven kin: ‘Hinderk is net n klaain swientje: stekst n poar moal n vinger in de zied en t baist begunt te knorren. Hai wait t zulf, noa n le­ven van scheuveln, wielrennen en haard­lopen: wie­zeg­haid is zien beste en minste aigenschop.’
Onze buren binnen ook weer aanwezeg. Antje Olthoff oet Oost­vraislaand schreef n verhoal over t gedonder bie t aanvroa­gen van n ‘Reisepass’ en de Drentse dichteressen Suze Sandersen Ria Westerhuis hemmen elk n biedroage leverd. Neem een abonnement op Krödde HIER.

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten