Winnend Gedicht van de Week van Rens Komduur-Van der Molen

Heur lèste dag*

t Regent
mor zai het regenjas aan
en stevels
mit aan aarm heur taas

veuroverbogen
steveg sjaauwend
heur hoaren wappernd
ien wiend
zai is verbiesterd
is ien heur ogen te zain

t zel joe mor gebeuren
dit haar zai nait verwacht
zai is hoes oetgoan
bie wiendkracht aacht

zai kikt nait meer om
noar wat zai haar
mor lòpt deur
over nadde pad

Rens Komduur-Van der Molen

*Ain van de vaaier winnoars van Meertmoand Streektoalmoand schriefwedstried van Dagblad van het Noorden en Webloug.

Jury: Roeg weer holdt dizze vraauw nait tegen om n ander leven te zuiken. Reden veur heur vlucht wordt nait beneumd, dat geft t gedicht extroa kracht. Meer as wat der ien heur tas zit het ze veurlopeg nait neudeg. ‘Zai kikt nait meer om.’

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

14 − tien =

Terug naar boven ↑
  • Literatuur activiteiten

    Geen nieuwe activiteiten