Literatuur

Gepubliceerd op 17 september 2014 | door Webloug

0

Willem Tjebbe Oostenbrink wint Duutse Borslapries

De Zuudhörner dichter Willem Tjebbe Oostenbrink het met zien Grunneger gedichtencyclus ‘Tussen Tied en Stroom’ de Borsla-pries 2014 wonnen. De Borsla-pries wordt toekend deur de Borsla-Verenigeng veur nije Nederduutse toal en literatuur. De cyclus ‘Tussen Tied en Stroom’ omvat vief gedichten schreven ien t Westerkertiers: Blad, Glas, Terug noar t Poeldiep, Vergoadern, en Weerzien. De titel van e cyclus verwiest noar de thematiek van de gedichten. Mensenlevens ien e stroom van e tied. De gedichtencyclus bevat „n klacht over de niet te keren stroom van e tijd en t verval van weerden in moderne tied “, zo zeit de jury.

De uutriekeng van e Borslapries zel gebeuren op 8 november ien Bösel onder de stad Oldenburg. De Westerkwartierder poëzie van Oostenbrink is voaker ien de priezen vallen bij de oosterburen. Ien 2010 won Oostenbrink de Duutse Freudenthal Aanmoedigengspries veur nedersaksische gedichten.

Borslapries wordt dit joar veur de achttiende moal uutriekt. De jury ontvong n twintigtal ienzendingen. De priesvroag is vernoemd noar de noam die de stad Bösel ien de middeliwen har.

Tags: , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten