Muziek wia buze

Gepubliceerd op 17 maart 2016 | door Jan Glas

0

Wia Buze & Band op Dag van de Grunneger toal

Dit theoaterseizoen ston Wia Buze mit heur ‘manlu’ ien de Noordelke theoaters mit t succesvolle programma ‘Tied vlogt’. n Gevarieerde greep oet heur aigen repertoire aanvuld mit meziek dij zai ien dij 30 joar is goan woarderen en vanzulf matrioal van de nije cd. n Programma dat ien t taiken ston van heur 30-joareg jubileum as zangeres mit as kroon op dizze theoatertoer, de beneumen tot Ridder in de Orde van Oranje Nassau! Tiedens de Dag van de Grunneger toal zel Wia n greep oet dit gevarieerde programma ten geheure brengen, begelaaid deur heur aigen combo, bestoande oet: Chris Kleine op toetsen, Gerard Kema op gitaar, Tjark Kuiper op bas en echtgenoot Hans Hauer op slagwaark. Dizze combinoatsie het bewezen garant te stoan veur n ontspannen, ongedwongen, onderholdend, serieus mor benoam muzikoal programma mit nummers van de nije cd ‘Thoes’, dij din ientied t levenslicht zain het. Dus: 30 joar Wia Buze de zangeres, 10 albums, ontelboare optredens, n grode biedroage aan de Grunneger Cultuur, de K. ter Laanpries 2004, n ridderorde…, wat n schier moment om n statement te moaken op de Dag van de Grunneger toal: Wia Buze, 30 joar op pad en nog aal thoes!!!

Tags: ,



Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

zestien + 12 =

Terug naar boven ↑
  • Muziek activiteiten

    Geen nieuwe activiteiten