Weggeefbundel ‘Zied aan zied’ op Dag van de Grunneger toal.
Elk joar geft t Huis van de Groninger Cultuur n boukje oet dij votgeven wordt aan bezuikers van Dag van de Grunnegher toal. Veureg joar was dat n bundel mit Grunneger columns, t joar doarveur n bundel laifdesgedichten. Der is ook al n moal n kalender votgeven.
Dit joar verschient der de dubbelbundel’Zied aan zied’ mit gedichten van twij dichters: Rieks Holtkamp en Hanne Wilzing. Baaid schrieven ien heur eerste toal, t Grunnegs, ook al binnen ze al n hail zet vot oet Grunnen.
Hanne Wilzing schrift over vluchtelingen, de kwetsboaren onder ons en zuikt ien zien gedichten noar sporen van aiweghaid, ien de tempel van Artemis en ien kerk van Onstwedde. Hai schrift ook over t tiedelke; de tied dij vot is, soamen mit de minsen dij toun leefden
Rieks Holtkamp doekt ien de wereld van de schrievers en schilders dij hai bewondert: H. N. Werkman, Paul Gauguin en Boris Paternak om mor n poar te neumen. Bie de Chassidische Liederen van Werkman, het e n serie gedichten schreven dij ook ien dizze bundel stoan.
Twij Grunneger dichters dij elk op n hail aigen menaaier de toal spreken loaten.
t Boukje is vergees veur de bezuikers van de Dag van de Grunneger toal, mor op=op. Wees der vlöt bie.
Kiek HIER veur haile pergram op site Huis van de Groninger Cultuur.
Lees de MOI:
Gerelateerde berichten
Nij gedicht ‘Deure’ van Hanne Wilzing op Oader →
Nij gedicht van Rieks Holtkamp op Oader →
