Muziek twij deuntjes

Gepubliceerd op 22 april 2015 | door Jan Glas

0

Week van Wannes in Twij Deuntjes

Muziek van Willy Cecile Johannes (Wim) Van de Velde beter bekend as Wannes Van de Velde (Antwerpen, 29 april 1937 – aldaar, 10 november 2008) was n Belgische (Vloams) streektoalzanger, muzikant, dichter en beeldend kunstenoar.

Noch socialist, noch stalinist, pastoor noch liberaal, republikein, imperialist, ‘k ben geen van allemaal, en schoon dat ‘k liekseszanger ben, voor mij is politiek te klein, ’t is eender in wat taal. Wannes is ain van dij artiesten west, dij nog volop in t stadsdialect van Antwerpen opgruid is. Nederlaands het e noar aigen zeggen op schoul leerd, mor zien omgangs- en gedachtentoal, de klaank dij bie hom t alerbeste bekt, is de toal van de stroade Antwerpen. Vanòf t begun het e dat bruukt om zien laidjes in te vertolken. Hai dee dat nait omdat e persé t dialect verdedegen wol ten opzichte van wat men dou nog t ABN nuimde. ‘Wel duurfde dou te beweren dat wie nait beschoafd wazzen’. t Was veur hom domweg “de toal” woar e t beste mit uut de vouten kon. Vanòf t begun was Antwerpen, zien geboortestad, zien grode laifde en inspiroatsiebron. De klaank van zien stad mit aal zien kleur en fleur is tot zien verschaaiden aaltied t centroale thema bleven. Ter verdudelken n Blueszanger zingt ja ook nait in t Engels van Oxford en dat de Dubliners touvaleg uut Dublin kommen huiven je der ja ook noeit bie te zeggen. t Stadsdialect was zien toal. n Proattoal dus. Volgens hom hail schier, zolaank je t nait opschrieven huiven, want din steken der inains wel wat aander problemen de kop op. Hou mout je zukswat goud opschrieven. Fonetisch? Nee, want dat is ja nait te lezen, en boetendes von e dat zukswat arrogant overkomt. Staarker nog ‘k Heb niks mit joe neudeg en as je t nait verstoan kinnen wat ik zing, din lezen je t mor nait. Hai von dat nait de juuste holden van n kunstenoar dij wat te zeggen het. Hai het dou hail bewust noar n vörm zöcht, n stijl dij de zinsbaauw , ritme en kleur van t dialect weergeft. Zien menaaier van t opschrieven leunt hail dudelk op t standoard Nederlaands. t Kwam veur hom min of meer hier op dele; aine dij wat gevuil veur toal het, al komt e uut Rötterdam, mout aal wat ik zeg en zing ook begriepen en lezen kinnen.

Speulliest is HIER te bekieken.

Tags: ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zes + twaalf =

Terug naar boven ↑
  • Muziek activiteiten

    Geen nieuwe activiteiten