Algemeen

Gepubliceerd op 11 oktober 2013 | door Webloug

0

WAARK zuikt vrijwillegers

Theoatergroep WAARK moakt al 40 joar Grunnegstoaleg theoater op hoog niveau. Op t heden tourt WAARK deur t noorden mit de succesvolle veurstellens Haardloper Huzengoa – t verhoal van n vergeten wonderatleet – en De Nije Man – noar t bouk van Thomas Rosenboom. Dizze veurstellens worden zo’n 25 tot 50 moal speuld. Op www.waark.nl is speulliest en informoatsie te vienden. Ien 2014 start noar verwachten weer n nije productie.

Succes is mooi mor t dut ook n groot beroep op de (mainst vrijwillege) mitwaarkers. Doarom kin WAARK nog wel wat verstaarken bruken! WAARK zuikt minsen dij t schier vienden om òf en tou mit te helpen mit opbaauw, technisch ondersteunen en ofbreken van de veurstellens.
De veurstellens binnen t mainst ien t weekend (vrijdag- en zodderdagoavend, zundagmirreg), bie oetzundern ook wel ais deur de week.

WAARK baidt joe n leuk team, n mooie veurstellen en n kedobon. Mor bovenaal n mooie ervoaren bie ain van de leukste en oldste Grunneger gezelschoppen!

Wel t team verstaarken wil of meer informoatsie neudeg het kin contact opnemen mit Emil Klok, Hoofd Productie, via emil@casavia.nl of 06-25052947.

Tags:



Reacties zijn gesloten

Terug naar boven ↑
  • Activiteiten