Algemeen

Gepubliceerd op 19 maart 2012 | door Webloug

1

WAARK speult Haardloper Huzengoa


Grunnen haar zo’n honderd joar leden n legendoarische topatleet, de marathonloper Laauwe Huzengoa (Louwe Huizenga Wehe 1893 – Ruinerwold 1973). Hai laip haarder as de wereldkampioenen van zien tied en mensen roakten nait over over hom oetproat. Hai laip tegen drafpeerden op drafboan – en won! Hai stapte ais oet n boemeltraain en kwam, runnend, eerder op t volgende station aan. As Haardloper Huzengoa laip, kwammen minsen bie doezenden tougelieks t hoes oet om t meroakel te bekieken. As hai van Groot Maarkt ien Stad ain van zien eerste officiele marathons laip (allennig!) was haile stad gries van de mensen. Huzengoa werd in ain oam nuimd mit dij aandere beroemde Grunneger – Jaap Eden. En toch ken gain ain hom meer. Der bestaait gain Laauwe Huzengoa Hal, Goan Laauwe Huzengoa Boan, Gain Laauwe Huzengoa penning, plaain, gain stroat, gain steeg, gain traain. De reden doarvan is n tragedie vol moudwil en misverstanden, n verhoal dat percies optaikend is deur Job van Schaik (van t Dagblad). 
Veur Theatergroep WAARK bewaarkte Jan Veldman t bouk tot n Grunnegstoaleg tenailstuk: Haardloper Huzengoa. Regie is ien handen van Jack  Nieborg, bekend van o.a. t Shakespeartheoater ien  Diever en ook van suksesvolle t Wotterop, dat Waark ien veujoar speulde. De akteurs binnen Janneke Geertsema, Erik Bulthuis en Wim Smit.
De feestelke première is van Haardloper Huzengoa is op 31 meert ien ’t Martnehoes te Wehe den Hoorn. Mor eerst binnen der van 23 t/m 30 meert nog try-outs op verschaaiden lokoatsies.

Kiek veur informoatsie over speuldoatems op webstee van WAARK.

Tags: , , , , ,



One Response to WAARK speult Haardloper Huzengoa

  1. Pingback: » Veurstellens ‘Haardloper Huzengoa’ dizze moand | Webloug

Terug naar boven ↑
  • Activiteiten