Algemeen WAARK

Gepubliceerd op 9 maart 2016 | door Jan Glas

0

WAARK speult fragmenten nije veurstellen op Dag van de Grunneger toal

Mit ‘DE MENALDA VETES’ schreef Jan Veldman n tekst over spannende gebeurtenizzen ien 13e-eeuws Grunnen, bewoard bleven ien de Kronieken van de beroemde abt Emo, onder meer stichter van t mannenklooster Bloemhof bie Wittewierum. t Verhoal begunt mit n ongelukkeg huwelk, woarbie de mooie Ida de brute Ebbo ontvlucht en – mit hulp van heur femilie – n nije man traauwt. Ebbo en zien femilie zinnen op wroak en ontvoeren Ida en heur nije man. As tegenactie ontvoert Ida’s femilie n femilielid van de Menalda’s, en zo ontstaait n treurege vete dij veur alle betrokkenen oet de hand lopt. Vaaier acteurs vertellen deur middel van persoonlieke statements, laidjes en vanzulf gespeulde scène’s t verhoal, waarien zai verschaaiden rollen aannemen.

Tiedens de Dag van de Grunneger toal zel Jan Veldman deur middel van n filmpke ons wat meer oet de douken doun over t project. Doarnoast speult WAARK twij scène’s oet de lopende veurstelling ‘Ik goa noar Tahiti’, over leven en waark van de Grunneger kunstenoar H.N. Werkman. Regie: Ben Smit.

Webstee Waark

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

11 − tien =

Terug naar boven ↑
  • Activiteiten