Algemeen

Gepubliceerd op 21 november 2012 | door Webloug

0

Waark mit aan t Verhoal van t Grunnegs ‘Vroag & Antwoord’

Bureau Groninger Taal en Cultuur (BGTC) is n laanglopend onderzuik start noar t aaldoags Grunnegs. t Onderzuik is simpelweg ‘Vroag & Antwoord’ nuimd.

Ien 1984 stelde Pervinzie Grunnen Siemon Reker aan as streektoalfunctionoares. Dij dee n oproup om ‘onbezoldigd correspondent’ van hom te worden deur geregeld n vroagenformulier ien te vullen.
Dit initiatief kreeg drij joar laang veul respons en leverde nogal wat publikoatsies op. Doarom wordt dit ininiatief nou herhoald, mor diskeer via internet. t Binnen ien principe dezulfde vroagen as destieds, mor aanvuld mit n poar andere kwesties en vrijere opdrachten.
Vroag & Antwoord is n soamenwaarken van Siemon Reker mit RTV-Noord en Dagblad van t Noorden.

Woorden aandroagen

Bedoulen is om elke twij moanden n nije ofvroagronde te holden. Mit sunnermeerten is eerste ronde start. Begun jannewoarie komt de volgende. Ain van de vroagen is de oproup om woorden aan te droagen woar RTV-Noord aandacht aan zol monnen schenken. Oet wat dailnemers iensturen zel Reker wekelks wat oetkaizen en dat op wonsdag noa half ain op Radio Noord noader toulichten.

Mitdoun is nait stoer

De vroagen zulf binnen nait stoer; t gaait ter ja om dat dailnemers aangeven wat ze zulf ien t Grunnegs zeggen zollen en dat huft nait volgens de regels opschreven worden.
Belangriek is dat ter minsen oet ale houken van pervinzie en ver doarboeten mitdoun. Jong en old.

Goa noar tverhoalvantgrunnegers.nl om de vroagenliest ien te vullen

Gain internet en toch mitdoun?

Lu zunder internet lezen dit vanzulf nait mor ze kinnen wel aanpittjed worden om n papieren versie aan te vroagen deur n koartje of braifke (mit adresgegevens) te sturen noar:

Bureau Groninger Taal en Cultuur RUG
Postbus 72
9700 AB Groningen

Tags: , ,



Reacties zijn gesloten

Terug naar boven ↑
  • Activiteiten