Uncategorized

Gepubliceerd op 14 januari 2013 | door Webloug

0

Vroagenliest 2 van Vroag&Antwoord is online ien te vullen


Vanof 9 jannewoarie staait de vroagenliest 2 van Vroag&Antwoord online en is deur elk dij Grunnegs proaten kin ien te vullen. Dat kin tot t leste van feberwoarie. Belangriek is dat zoveul meugelk lu mitdoun! Liest is te vienden op http://www.hetverhaalvanhetgronings.nl 
Vroagenliest 1 is meer as 500 moal ienvuld.

Vroag&Antwoord is n digitoale herhoalen en oetbraaiden van onderzuik dat streektoalfunctionoares destieds doan het mit correspondenten ien 1984 en n poar joar noatied.
Bedoulen is om elke twij moanden n nije ofvroagronde te holden. Ain van de vroagen is de oproup om woorden aan te droagen woar RTV-Noord aandacht aan zol monnen schenken. Oet wat dailnemers iensturen zel Reker wekelks wat oetkaizen en dat op wonsdag noa half ain op Radio Noord noader toulichten.

De vroagen zulf binnen nait stoer; t gaait ter ja om dat dailnemers aangeven wat ze zulf ien t Grunnegs zeggen zollen en dat huft nait volgens de regels opschreven worden.
Belangriek is dat ter minsen oet ale houken van pervinzie en ver doarboeten mitdoun. Jong en old.


Van twijde liest òfaan dut t Huus van de Taol op aigenste menaaier onderzuik noar toal van sprekers van t Drents.

Vroag & Antwoord is n soamenwaarken van Siemon Reker mit RTV-Noord en Dagblad van t Noorden.

Tags: ,



Reacties zijn gesloten

Terug naar boven ↑