Algemeen

Gepubliceerd op 4 februari 2013 | door Webloug

0

Vrijwillegers vroagd veur Dag van de Grunneger Toal.

Zodderdag 16 meert wordt de vaaierde Dag van de Grunneger Toal holden ien t gebaauw van de Groninger Archieven ien Stad. Der is weer n hail schier pergrammoa veur de haile dag soamensteld dij n bezuik aan dizze Dag de muite weerd moaken.

Om de dag draaiende te holden wordt der nog noar n aantal vrijwillegers zöcht. Bieveurbeeld veur de coördinoatsie ien ain van de lezingenzoalen, pergrammoa’s oetdailen, standholders opvangen enz. Der binnen mitwaarkers neudeg van  9:00 tot 18:00 uur.
Op veurofgoande vrijdagmirreg binnen der nog krachten neudeg veur t ienrichten van de verschaaiden roemtes. Dat is vanof ongeveer 13:00 uur dij vrijdag.
En veur de echte deurzetters: op moandagmörn 18 meert worden de leste restanten oproemd.

Mithelpen geft nait allain n goud gevuil en n hoop gezelleghaid, mor je kinnen ook beder kennismoaken mit de pergrammoa-onderdailen en aal dij lu dij Grunneger wereld ien stand holden. En aan t ind van zodderdag is der n gezoamelke borrel…

Meld joe aan via dit adres:
dgt@groningerarchieven.nl
Meld touglieks ook even welke doagen en tieden ie beschikboar binnen.

Alvast bedankt!!

Tags:



Reacties zijn gesloten

Terug naar boven ↑
  • Activiteiten