Algemeen

Gepubliceerd op 19 november 2012 | door Webloug

0

Veurstellen ‘Mijn Ede’ bie NNT

Marcel Hensema komt as gastacteur bie t NNT (Noord Nederlands Toneel). Ien Jannewoarie is hai te zain ien de veurstellen ‘Mijn Ede’; n verhoal over t leven van Hensema woar de muziek van Ede Staal as n soundtrack onder liekt te liggen. Ede Staal is n Grunneger legende, dij mit zien muziek daip zien wordels het ien de haarten van veul Grunnegers. Zo ook bie de Grunneger acteur Marcel Hensema. Hensema werd ien 1970 geboren ien Winschoten. Hai zat as tiener op de Vooropleiding Theater ien Stad en ging loader noar Toneelacademie ien Maastricht, hai is onderhand oetgruid tot n gerunnomeerd acteur en regisseur. Hai speulde ien producties van verschaaiden tenailgezelschoppen en speulde hoofdrollen ien verschaaiden films. Ien ‘Mijn Ede’ is te zain en veuraal te heuren hou staark de laidjes van Ede Staal verweven binnen mit de grode momenten oet n leven: Bruloften, opbluiende laifdes, ainzoame momenten en begroafenizzen.

‘Mijn Ede’ is n ode aan t Grunnen van Hensema’s jeugd, n kleurrieke veurstellen over gezondhaid, waark, hoop en laifde. De veurstellen bevat zowel Grunneger as Nederlandse teksten.
Kiek HIER veur verdere informoatsie.

Tags: ,



Reacties zijn gesloten

Terug naar boven ↑
  • Activiteiten