Algemeen blauwe schuit, h n werkman

Gepubliceerd op 19 maart 2015 | door Patricia Ottay

0

Veurproefke WAARK veurstellen Ik goa noar Tahiti op Dag van de Grunneger toal

Foto: H.N. Werkman en de ‘schippers’ van De Blauwe Schuit aan de pers, van links naar rechts: Ate Zuithoff, August Henkels, H.N. Werkman en Adri Buning. (LM: Blauwe Schuit, NG-I:1). Herkomst foto: Koninklijke Bibliotheek.

Ien t koader van t Werkmanjaar 2015 brengt Theatergroep WAARK ‘Ik goa noar Tahiti’.

n Veurstellen over de dramatische leste doagen van de Grunneger kunstenoar, drukker en dichter Hendrik Nicolaas Werkman, dij 70 joar leden, drij doagen veur de bevrijden van Stad Grunnen, bie Bakkeveen fusilleerd wer deur de Duutsers. t Stuk is n toneelbewaarken van t scenario dat Beukenkamp schreef ien 1992 veur n film, mit Hans Dagelet ien de rol van Werkman. Dizze film is meermoals internationoal  bekroond. Specioal veur WAARK het Beukenkamp t script bewaarkt veur theater. Ien dizze nije productie van WAARK verschient veur t eerst n Nederlandstoaleg personoage: n primeur veur dit Grunneger gezelschap!

Schienboar zunder reden wordt Hendrik Werkman drij doagen veur t ìnd van Twijde Wereldoorlog ien zien atelier aan t Lage der A ienrekend deur twij oet Amsterdam vluchte SD-ers. Doarmit kikt Werkman de dood ien ogen. Onderwiel ze taargend langzoam omhoog klimmen noar Hendriks waarkploats – n drukker is bie veurboat verdacht ien oorlog –  perbaaiert Hendrik hom vrij te plaaiten, te ontsnappen en oet te vienden woar hai ien ‘s hemelsnoam van beschuldigd wordt.

Regie: Ben Smit
Vertoalen script Ger Beukenkamp: Jan Glas
Vörmgeven: Hadewych ten Berge
Videobeelden/projecties: Dinanda Luttikhedde
Compositie: Niels Smit Duyzentkunst
Speulers: Erik Bulthuis (o.a. Haardloper Huzengoa), Riemke Bakker (o.a. De Nije Man en Boven Wotter), Nico van der Wijk, Gerard Hilbrants, Tanja Delken, Janneke Pietersma, Sytze Doornbos en Ger Westra.

De veurstellen gaait op 8 maai 2015 ien première ien t Der Aa-theater ien Stad. Veur meer informoatsie en koartverkoop kiek op: www.waark.nl
Veuròfgoand aan n veurproefke van t stuk deur de acteurs, zellen Ger Beukenkamp, (schriever van t stuk) en Jan Glas (vertoaler) n toulichten geven over t schrieven en t vertoalen van Ik goa noar Tahiti. Twij keer op de Dag krigt t publiek de kans om al even aan Ik goa noar Tahiti te snoeven!

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

negentien − 4 =

Terug naar boven ↑