Muziek

Gepubliceerd op 23 september 2014 | door Webloug

0

Verslagje van Törfs optreden ien Caïro

East meets West. De Grunneger folkband Törf is weerom op t olde haimstee. Oflopen weekend hebben ze n geweldeg optreden dele zet op d’alleerste folkfestival van Egypte. Ze waren as meziekploug dij zuk van n klaaine toal bedaind veur t WANAS Festival in Sakia El Sawy Culture Wheel aan de boorden van de Nijl nuigd. t Was drij doagen achter nkaander wereldmeziek mit professionele muzikanten van grode klasse. Uut Europa waren der, behaalve Törf,  Ross & Jarlath band uut Schotland en Lo Coro De La Plana uut Frankrijk. Törf ston op leste dag programmeerd en der wuir boetendes ook aan heur vroagd om t festival in n Grode finoale  soamen mit de doar in dij kontraainen slim bekìnde El Tanbura band òf te sloeten. Europa glee doarbie as Pait en Grait muzikoal vot in Oafrikoans-Grunneger ritmes. Lu van Törf hebben noar aigen zeggen zuk doar goud vernuverd en kinnen nou weerommekieken op n goud besloagen optreden, dat as t aan heur ligt wel veur n herhoalen vatboar is.

Tags: , , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten