Literatuur

Gepubliceerd op 18 maart 2015 | door Patricia Ottay

0

Verhoalenvertellers ien Gadobus op Dag van de Grunneger toal

Sinds t ìnd van zummer 2010 viendt der om de twij joar ien Kantens n Hoeskoamer-vertelfestival ploats. De organisatoren van dit festival (o.a. Corrie Boon) wilden heur profileren ten opzichte van aander festivals. Tröts as wie binnen op ons “Grunneger laand” en zien bewoners besloot de organizoatsie veur dit festival allinneg Grunneger vertellers te zuiken.

Corrie Boon en de medeorganisatoren beseften wel, dat de mainsten Hollands proaten mozzen, mor zeker ain of twij van dij vertellers mozzen “grunnegs proaten”. Ze raaisden de vaaier vertelgroepen òf dij der ien pervinzie binnen: noar Opende ien t Westerketaaier (Kom op verhoal), noar Stad (Twoes), noar Woudbloem (de Pazzipanten) en noar Haren (Vertelgenootschap). De organisatoren luusterden noar ale vertellers en oet dij groepen zöchten ze de vertellers noar ons haart. En zo beleefden wie ien 2010, 2012 en ien 2014 n fantastisch festival. Der binnen ien ale vertelgroepen mìnsen, dij geern ien t Grunnegs vertellen. n Selectie verhoalenvertellers oet de vertelgroepen kommen op de Dag van de Grunneger toal langs om ien de gele Gadobus op t parkeerdek verhoalen te vertellen. Der is nait kozen veur ain thema, mainste vertellers hebben zulf n schier en passend thema kozen. De verhoalen zellen wis en zeker verrassen en plezaiern!

Verhoalen vertellen ien Gadobus van 11.30 -15.30 mit een pauze tussen 13.00 en 14.00 uur

Mit verhoalenvertellers om:

11.30 uur – Peter Tholen 
12.00 uur – Fianne Faber 
12.30 uur – Ina de Raad 
14.00 uur – Hans van der Lijke
14.30 uur – Geert Zijlstra 
15.00 uur – Piet de Vries  
15.30 uur – Alie Wiegman

Denk der om: De Gadobus gaait nait rieden!

Lees HIER t haile pergram van de Dag.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

dertien + 5 =

Terug naar boven ↑
  • Literatuur activiteiten

    Geen nieuwe activiteiten