Van Gewest tot Gewest over ‘Idioticon Groninganum’ van Pieter Boeles

Dizze zummer herhoalt RTV Noord ofleverns van t pergrammoa Van Gewest tot Gewest dij te moaken hemmen mit Grunnen. Ditmoal n oflevern oet 1997 over domie Pieter Boeles (1795-1875). Boeles was van 1817 tot 1875 domie ien Noorddijk. Hai het n Grunneger woordenbouk soamensteld dat nooit oetgeven is: ’t Idioticon Groninganum, vergelijkend woordenboek van den Groningschen tongval’. Siemon Reker traceerde t manuscript en zörgde der veur dat t ien 1997 alsnog oetgeven wer. Van Gewest tot Gewest besteedde der aandacht aan.