Literatuur

Gepubliceerd op 18 april 2013 | door Webloug

0

Vaaier concerten van 4mei-projekt

Het 4mei-projekt geft vaaier concerten ien de aanloop noar 4 maai.

Het pergrammoa van t 4mei-projekt gaait over de mins dij leeft en overleeft, de mins dij aal mor weer op zuik is noar geluk, soamen mit andern. Ofgelopen jaren is de ofstand tussen verschaaiden groepen minsen aal groder worden, onderlinge verschillen worden benadrukt, op socioal niveau, mor ook op persoonlek niveau. Ien de media is veul discussie over fatsoun en beleefdheidsnormen. Wat kin n individu of n groep aan dizze gang van zoaken doun?

Mit dit pergrammoa wil t 4mei-projekt ien vief onderdailen zain loaten dat de verschillen tussen de groepen klaainer binnen as dat wie denken.

Ien t vaaierde pergrammoa-onderdail, handelnd over de vaaier seizoenen, stoan teksten van Grunneger dichters centraal. Wilfred Reneman het teksten van Jan Siebo Uffen, Peter Visser, Simon van Wattum en Marie Franke-Luiten op muziek zet. n Liederencyclus ien aacht onderdailen veur gemengd koor, cello en accordeon onder de titel Levenskunstenaars.

t 4mei-project geft vaaier concerten: 

21 april om 15:00 uur ien Ons Centrum ien Winsum

26 april om 20:15 uur ien de Dörpskerk ien Eelde

28 april om 15:15 uur ien de Engelse Kerk ien Amsterdam

4 maai om 21:00 uur ien de Nieuwe Kerk ien Stad.

Lees meer op WEBSTEE van t 4mei-projekt.

Tags: , , , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten