Muziek Twij deuntjes

Gepubliceerd op 24 maart 2018 | door Jan Glas

0

Twij Deuntjes Zundag Bie t Pad…Dizz’keer vanuut Bremen

Wie van Twij Deuntjes binnen veur dizze zundag mit onze geluudswoagen ais over de Grup goan en op verziede west bie de Platt-Duutse Laidjesmoaker Otto Groote in Bremen. t Leek ons specioal veur dizze weke ais schier om heuren te loaten, hou wied wie mit ons Grunnegers aan aander kaant van de grenze terechte kinnen. Om geliekweerdeg vergliek hevve ook muzikant Bert Hadders mitnomen. t Was veur baaide muzikanten ook heur eerste kennismoaken mit nkaander. De gesprekken aan keukentoavel gongen in baaide verwante toalen al vot smui weg. Noast proaterij over en weer hebben ze ook meziek moakt mit Otto zien vaste pazzipanten Matthias Malcher, Ralf Strotmann en Martin Czech, dat akkedaaierde bie zetten ook haile best. Over hou t apmoal verlopen is kinnen ie op zundag 25 meert tussen tiene en twaalm in onze uutzenden heuren. Loat dit dizz’ keer nait aan joe veurbiegoan, want je steken der bie t der noar luustern hail wat schiers op. Goa der mor ais goud veur zitten en vernuver joe der net zo mit, zo as wie dat tiedens de opnoames doan hebben.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

een + zes =

Terug naar boven ↑
  • Muziek activiteiten

    Geen nieuwe activiteiten