Muziek

Gepubliceerd op 27 mei 2014 | door Webloug

0

Twij Deuntjes muziekliest (week 22) en beste dialect-evergreen

n Grunneger is aaltied nummer ain! Veur aal dij lu dij der nog gain wait van hebben, t volgende: t Radiopergram NCRV’s plaain 5 is al tiedstieden aan loop mit n zuiktocht noar de mooiste en alerbeste streektoal-evergreen.

d’Opdracht komt min of meer hier op dele, der mos n evergreen omtoald worden in wat veur streektoal ook. In d’oflopen weken is doarbie hail wat op batterij kommen en deur de luusteroars binnen der twaalf finalisten selektaaierd dij op Hemelvoartsdag optreden goan op Plaain 5. n Vak- en Peblieksjury zel din bepoalen wel din winnoar van dizze wedstried ‘Zing zoals je gebekt bent’ wezen zel. Om t volgende gegeven kinnen we as Grunnegers vanzulf al aibels groots op wezen, want der binnen uut ons aigenste pervinzie Grunnen mor laifst drij kandidoaten nominaaierd. Dat binnen Eltje Doddema mit ‘Koezenropper Melles’ (‘Living next door to Alice’), Martin Korthuis mit ‘Loat mie’ (‘Laat me’ van Ramses Shaffy) en Edwin Jongedijk mit ‘Oadem mien oadem’ ( ‘Adem mijn adem’ van Peter Schaap). Noamens t Noorden is ons Lianne Abeln vroagd om in de vakjury zitten te nemen. Tot dunderdag kin der nog stemd worden op de laidjes dij mitdoun in de finoale. Via dizze link http://www.plein5.ncrv.nl kin elk en ain stemmen op n laidje van dizze haandzoame Grunnegers. Ik zol zeggen goa der flink op stemmen, want n Grunneger is toch aaltied Nummer AIN! Muziekliest is HIER te vienden. Uutzenden elke waarkdag van 18:00-19:00 uur op Radio Noord.

Tags: , , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten