Twij Deuntjes en Swinder vandoag op dag van de Grunneger Toal
Sinds januari 2000 presenteert Henk (Hinderk) Scholte op elke deurdeweekse oavend bie Radio Noord t streektoal muziekprogramma Twij Deuntjes veur ain Cent. Tiedens de Dag van de Grunneger toal dut Henk n uur lang n semi-live Twij deuntjes-show mit hierin onder meer n interview en optreden van Swinder.
Swinder is n nijkommer binnen de Grunneger streektoalmuziek. Swinder is singer-songwriter Bas Schröder. Bas is postbode en tapper bie muziekpodium Vera, mor binnen t Grunneger popcircuit veural bekend as bandlid van We Swim You Jump Go!, Revolution Go!, Ravens en Marat.
Mit Swinder moakt hai mit zien melancholieke poplaidjes en up-tempo folk-rock sinds de noazummer van 2012 de Grunneger krougen onvaaileg, voak begelaaid deur drummer, bassist en toetsenist. De single Annemarie liekt oet te gruien tot n beschaaiden culthit, binnen én boeten t dialectcircuit. De opvolger van Annemarie staait al in de staaigers, de agenda veur 2013 begunt vol te stromen en noa de zummer van 2013 zel t debuutalbum van Swinder verschienen.
De opnoames van Twij Deuntjes veur Ain Cent worden oetzonden op woensdag 20 meert tussen 18.00 en 19.00 uur op Radio Noord.
Kiek HIER veur t pergram van Dag van de Grunneger Toal.
Gerelateerde berichten
9 september eerste Groninger Eierbal Festival →
Wonsdag Woorddag ‘Aibels’ door Henk Scholte →
