Literatuur

Gepubliceerd op 15 maart 2018 | door Jan Glas

0

‘Tot woar of t gaait’ weggeefbundel Dag van de Grunneger toal.

Tot woarTiedens Dag van de Grunneger toal wordt de bundel ‘Tot woar of t gaait’ prezenteerd as weggeefbundel. n Bundel vuld mit teksten dij op Oader publiceerd binnen. Oader is vanòf december 2016 ien lucht. Ien lucht want t is gain papieren tiedschrift, hai bestaait allain op internet. Summegen monnen doar nog aan wennen, ze hemmen laiver wat ien handen: papier. n Papieren tiedschrift of n bouk, dat is vanzulf t mooist. Mor t wordt aal stoerder om ien dizze tied n papieren tiedschrift aan loop te holden en din is n internettiedschrift n goie keus. Je berieken der ook nog ais veul meer lezers mit en lu boeten t Grunneger wereldje. Via socioale media kinnen de gedichten en verhoalen onder aandacht brocht worden. Mit Oader belandt der ook weer meer Grunnegs op t internet. Op t heden is t grofweg zo dat n toal dij nait op internet te vienden is, nait bestaait. We binnen veurgoud ien n andere tied beland. Ook t Grunnegs.

Mor loaten we wel wezen, n literair tiedschrift is vanzulf nooit bedould as ìndstation. Net as bie veurganger Krödde hoopt redaksie dat de verhoalen en gedichten vanoet Oader heur weg vienden noar bloumlezens, bundels, bouken tiedschriften, social media en websites. Oader wil veuraal n etalage wezen van goie Grunneger schrieverij en n podium veur begunnende en gearriveerde Grunneger dichters en schrievers. n Eerlieks digitoal deurgeefloek van Grunneger literatuur. Beriek is allain mor groder worden.

Lezer krigt de teksten nou dus letterlek ien handen. Gedichten en verhoalen van ons beste dichters en schrievers en zulfs ook nog n Oostvrais gedicht.

Wel noar Dag van de Grunneger toal gaait, krigt de bundel vergees. Tot veurroad op is.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

twaalf − 1 =

Terug naar boven ↑
  • Literatuur activiteiten

    Geen nieuwe activiteiten