Gepubliceerd op 20 februari 2018 | door Patricia Ottay

0

Verhoalenvertellers

Sinds t ìnd van zummer 2010 viendt der om de twij joar ien Kantens n Hoeskoamer-vertelfestival ploats. De organisatoren van dit festival (o.a. Corrie Boon) wilden heur profileren ten opzichte van aander festivals. Tröts as wie binnen op ons “Grunneger laand” en zien bewoners besloot de organizoatsie veur dit festival allinneg Grunneger vertellers te zuiken.

Corrie Boon en de medeorganisatoren beseften wel, dat de mainsten Hollands proaten mozzen, mor zeker ain of twij van dij vertellers mozzen “grunnegs proaten”. Ze raaisden de vaaier vertelgroepen òf dij der ien pervinzie binnen: noar Opende ien t Westerketaaier (Kom op verhoal), noar Stad (Twoes), noar Woudbloem (de Pazzipanten) en noar Haren (Vertelgenootschap). De organisatoren luusterden noar ale verteller s en oet dij groepen zöchten ze de vertellers noar ons haart. En zo beleefden wie ien 2010, 2012 en ien 2014 n fantastisch festival. Der binnen ien ale vertelgroepen mìnsen, dij geern ien t Grunnegs vertellen. n Selectie verhoalenvertellers oet de vertelgroepen kommen op de Dag van de Grunneger toal langs om ien de Stilteroemte verhoalen te vertellen. Der is nait kozen veur ain thema, mainste vertellers hebben zulf n schier en passend thema kozen. De verhoalen zellen wis en zeker verrassen en plezaiern!

Pergram:

13.30 u – 13.50 u      Peter Tholen

13.50 u – 14.10 u      Ina de Raad

14.10 u – 14.30 u      Annie Mekel

14.30 u – 14.50 u      Nane vd Molen

14.50 u – 15.20 u      PAUZE

15.20 u – 16.00 u      Verhoal Landverhuus deur vertellers Henk Wierenga, Hennie van der Laan, Geert Zijlstra

Annie Mekel

Annie Mekel het joarenlaank waarkt ien t leger onderwies. n Boan woarien “vertellen” n hoofdvak is. n Verhoal gaait der altied ien as kouk, bie groten en lutjen! Doarbie was zai n aantal joaren Ambtenoar van Burgerlijke stand ien gemainte Loppersom, woarbie t vertellen ook goud van pas kwam.

Ina de Raad

Ina de Raad wer geboren ien Winschoot en woont ien Schèwol. Ien heur waarkzoame leven was zai schouljuf en nou geniet zai al joaren van heur pensioun. Vertellen was heur schierste vak op schoul en zai schreef altied ien de vriendenboukjes van heur leerlingen. Ina het van t vertellen heur hobby moakt. Zai is lid worden van vertelclub ‘de Pazzipanten’ oet Woudbloem bie Slochter. Ina de Raad vertelt t laifst ien Grunnegs, de toal woarien zai opgruid is. Tot nog tou het Ina as verteller mitdoan aan allerhand projecten, onder meer t hoeskoamervertelfestival ien Kannes, Winterwelvaart ien Stad, vertellingen ien t openluchtmuseum ien Waarvum, de Dag van de Grunneger Toal en de vertelcafé’s organiseerd ien gemainte Slochter.

Henk Wierenga 

Henk Wierenga was ien zien warkzoame leven eerst eierhandeloar en loater boderieder en verhuzer. Geboren, getogen en verknocht aan t Westerkwartier. Zowel de toal as de geschiedenis hemmen zien belangstelling altied had.
Toen hij n poar joar leden ien contact kwam met t vertellerscollectief “Kom op verhoal” en dat ok mooi von kon hij alles mooi combineren. Henk mag dus groag  (ien onze streektoal) vertellen, met een veurkeur veur verhoalen  die een beetje verband hemmen met de geschiedenis van onze provincie.

Peter Tholen

Peter Tholen is n ras Grunneger, ook al woont hai ien Eel. Tholen is 68 joar en geboren in t Oosterpaark in Stad.​ Sprekt geern Grunnegs, zeker ook as verhoalenverteller. Man schrift zien verhoalen zulf. Dat dut hai sinds 2012, toun wegens het Dorp vol Verhalen vertellers oplaid werden. Wieder is hai stukjesschriever veur t bokkebladje Dorpsklanken en kunstschilder. Wel nog meer waiten wil mout hom dat op 18 meert moar vroagen.

Geert Zijlstra

Geert Zijlstra is geboren op t Helmhuus stief bij t olde station Visvliet, moar woont nou al weer 30 joar ien Pieterziel. Ien t doageleks leven ICT-consultant, moar noa zes uur en ien t weekend ok streektoalmuzekant, verhoalenschriever en verteller. Soamen met 12 annere vertellers is er lid van ‘Vertelcollectief Kom op Verhoal’, die met noame Grunneger Streekverhoalen vertellen ien t Westerketiers. Hij is doarnoast veurzitter van Stichting Mien Westerkwartier, de streektoalorganisoatie van t Grunneger Westerketier.

Hennie van der Laan

Hennie van der Laan is geboren en getogen ien Tolbert ien t prachtege coulissenlandschap van t Westerketier. Noadat zai eerst ervoaren ien t toneelspeulen opdee aan Amateurtheaterschoul ien Stad wer zai grepen deur t vertel”virus”. Zai schrift aigen verhoalen en gedichten ien t Westerketiers. Hennie gaait as Anna van Ewsum van Nienoord noar schoulen en vertelt ien de Schelpengrot over t wichtje van de Schelpengrot. Zai is ook as verteller van “Kom op verhoal” actief bie nije productie “Laand-Ver-Huus” dat ien meert ien Opende opvoerd wordt.

Event Timeslots (1)

Stilteroemte
-



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

zeven + 14 =

Terug naar boven ↑