Gepubliceerd op 20 februari 2018 | door Patricia Ottay

0

Lezen Christopher Bergmann

n Nij woordenbouk van t Grunnegs – wèl het doar aiglieks verlet om? t Wordt voak zegd dat streektoal conservatief is, dus wat zel nou veraanderd wezen sunt t woordenbouk van Ter Loan oet 1952? En as der n nij woordenbouk komt, wat mout der din in stoan: zo’n beetje t zulfde as in t buuswoordenboukje van Reker – of toch aans wat? In mien lezen goa k n stuk of wat onderwaarpen bie langs dij n rol speulen bie t soamenstellen van t nije woordenbouk – en ie maggen, as ie willen, mit mie mitgoan. Wie kieken weerom op de ‘mooiste Grunneger woorden’ van d’òfgelopen joaren, goan mit olde en nait zo olde oetdrukkens aan loop, ontdekken dat pervìnzie, toalkundeg bekeken, hail nait zo plat is as je denken zollen – en wie kommen derachter dat t nije woordenbouk meer wordt as allain mor n woordenbouk. Oh joa, en spellen komt der ook even veurbie: kin nait zunder, kin nait mit – of aal? Antwoord op zotterdag.

Christopher Bergmann wer ien 1986 ien Duutsland geboren en is doar opgruid. Duuts is din ook zien moekes toal. Eerste vrimde toal woar hai mit ien aanroaken kwam, was t Portugees. Op schoul leerde hai eerst Fraans (want Frankriek was zo dicht bie), toun Engels. Sinds 2011 holdt hai hom dounde mit t Grunnegs en t Hollands, baaide toalen leerde en bestudeerde hai ien stad Grunnen. Aan Rijksuniversiteit promoveerde hai op n proefschrift over moekestoalverlais deur emigroatsie. Eerder studeerde hai literatuurwaitenschop en toalkunde ien Duutsland.

Event Timeslots (2)

Zoal 2
-

Zoal 2
-



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

19 + 15 =

Terug naar boven ↑