Gepubliceerd op 20 februari 2018 | door Patricia Ottay

0

Lezen Bert Hadders

Bert Hadders schrift laidjes. Hai dut dat mit ain bain in zien Veenkolonioale verleden en t aander in Stad, woar e nou al zo’n vatteg joar woont. Al n joar of tiene schrift e veurnoamelk in t Grunnegs. Allereerst veur zukzulf en zien band De Nozems mor ook veur theaterstukken as Roegzand en De Kronieken Van Kapitein Kolk van t gezelschap Iemandsland. In feberwoarie verscheen TJEU, n overzichts-CD van 10 joar Bert Hadders en de Nozems.

Drijenhaalf joar laank schreef Bert elke twij week n nij laidje veur t Radio Noord program De Centroale. In dij tied het hai zo’n 75 laidjes moakt. Kinst wel zeggen dat hai ter dag en nacht mit bezeg was. Veurdail was dat hai geliek te heuren kreeg of t wat was. Noadail was dat hai ter soms wel even wat langer over noadenken wild haar. De ervoarens dij Bert zo opdoan het, wil hai groag mit joe dailen op de Dag van de Grunneger Toal.

Onderwaarpen en vroagen dij we bie kop pakken binnen:

Wat is t verschil tussen schrieven in t Engels of Nederlands?
Woarom mag ik nait in n winkel stelen mor wel in de kunst?
Wat binnen geschikte onderwaarpen veur laidjes?
Welke stijlen van meziek binnen geschikt veur Grunneger toal?
Wat is belangrieker: inspiroatsie of zwaiten?
Is Ede Staal n vluik of n zegen veur de Grunneger laidjescultuur?
Woarom is nostalgie n vrezelke zaikte?
Hou creëer ik veur miezulf n deadline?
Wat is t belang van n goud refrein?
Hou belangriek is n couplet?

Om aan te tonen hou belangriek n goie eerste zin is, goan we n klaaine kwis speulen: Road de titel van n laid noar aanlaaiden van de begunregels. Mit schiere priezen veur de winnoars.

Kom luustern, proat mit en leer. Al was t mor hou t nait mout…

Webstee Bert Hadders

Event Timeslots (2)

Zoal 3
-

Zoal 3
-



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

twee × 4 =

Terug naar boven ↑