Gepubliceerd op 20 februari 2018 | door Patricia Ottay

0

Jan Henk de Groot

Ien 2012 ston Jan Henk de Groot mit knikkende knijen veur t eerst op Dag van de Grunneger Toal. Hai haar joaren ien t Engels schreven en was juust overstapt op t Grunnegs. Nou, zes joar wieder, heurt hai bie de top van Grunneger muziek en “vuilt de Grunneger toal as n waarme jaze”. Zo won hai ien 2014 de Dagblad van het Noorden streektoalpries veur zien album ‘Weerom’ en stonden laidjes as: ‘Mamme van Michel’, ‘Dubbelcassettedeck’, ‘Riekdom’ en ‘Vuurtje kieken’ moanden laank ien de Noord 9 van RTVNoord. Soamen mit Troebadoers Alex Vissering en Edwin Jongedijk speulde hai drij seizoenen laank veur oetverkochte theoaters en van t joar ging Jan Henk mit zien soloprogramma ‘Tachtig Tammo’ (“Baldadig, grappig en ontroerend” DvhN) op theoatertour. t Programma woarien allinneg Grunnegs sproken en zongen wordt, wer ook boeten Grunnen enthousiast ontvangen. Van t haarfst komt der n nije Troebadoers cd en goan manlu weer soamen aan raais. Noast zien solowaark schreef Jan Henk onder meer veur Wia Buze en Irene Wilkens.

Op Dag van de Grunneger Toal speult Jan Henk zien schierste luusterlaidjes en vanzulf zien grootste hits.

Event Timeslots (1)

Podium Centroale Hal
-



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

2 + 16 =

Terug naar boven ↑