Literatuur bommelsage, lezing, Dag vd Grunneger toal

Gepubliceerd op 17 maart 2015 | door Jan Glas

0

Tijdens Dag vd Grunneger toal lezing over t Grunnegs in de Bommelsaga

Ons land kent veul goie schrievers en ook veul goie taikenoars. Mor kunstenoars dij baaide kwaliteiten ien heur verainegen binnen betuun. Toonder is zo’n talent. Veuraal ien de Bommelsaga teunt hai zien ienzichten en voardegheden op grootse wieze.

Aan westkant van slöt Bommelstein ligt Rommeldam, n parodie op onze organizeerde moatschappij, mit heur bureaucratie, gezagsstructuur, standsverschil en klaainzielege regelgeving. Ten oosten van Bommelstein ligt de ‘andere wereld’. Doar, ien t Donkere Bomen Bos en de Zwarte Bergen hoezen levensvörms dij dicht bie de noatuur stoan en woar – veur ons – onbegriepelke wetmoategheden gelden. Doar speult magie en mystiek n belangrieke rol en gelden normen en weerden dij ons vrimd aandoun.

Bommelkenner Pim Oosterheert wil ien zien prezentoatsie evenwel iengoan op t Grunnegs ien de teksten van de Bommelsaga. Toonders ollu waren Grunningers, zien pa was geboren en togen ien Warffum. Bie hom thoes zel t Grunnegs doarom roemschoots te heuren west wezen en de vekaanzies werden voak ien Grunnen deurbrocht. Omdat Oosterheert ook Grunneger ollu het, ontdekte hai al rap dat der Grunneger oetdrukkens ien de verhoalen van Toonder veurkwamen.

Pim Oosterheert is historicus en waarkte eerder ien t voortgezet onderwies. Toun hai as jongkerel ontdekte dat toal wat meer is as t doun van mitdailens laip hai tegen t waark van Toonder aan en bewonderde zien prachtege toalgebruuk. “Aigenlieks kin ik zeggen dat Toonder mie leerd het hou schier de Nederlandse Toal is. Hai het mie op t spoor zet om de belangrieke Nederlandstoalege schrievers lezen te goan.”

Ien 1998 het Pim Oosterheert t Museum de Bommelzolder ien Zoeterwoude opricht, as n eerbeteun aan dizze grote kunstenoar Marten Toonder. Ook schreef Oosterheert enkele bouken over zien waark, woaronder t ‘Bommellexicon’. “Het is mij een groot genoegen (als geboren Hagenaar, sorry hoor) u iets te mogen vertellen over het Gronings in de Bommelsaga.”

Bekijk het programma HIER.

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

acht + negen =

Terug naar boven ↑
  • Literatuur activiteiten

    Geen nieuwe activiteiten