Algemeen Toezeboudel

Gepubliceerd op 2 februari 2019 | door Jan Glas

0

Tenailverainen Con-Amore weke 6 in Toezeboudel

Toezeboudel weke 06 uutzenden 1569 Periode 03-02-2019 t/m 10-02-2019

Mainstied zeg k aan t ende van mien pergram, ‘Ik heb altied mien mikrofoon bie mie doarom kin t mor zo wezen, dat wanneer ik joe tegen kom, joe in t radiopegram Toezeboudel terechte kommen kinnen’. Nou, òflopen weke kwam k de tenailploug Con Amore tegen in ‘De Hooge
Horst’ op t Hoogezand. Doar haren lu uutvoeren. Zai speelden doar t bliedspultje ‘Loat t kadaster mor opdroaven’ van Peter Damen. k Heb mien mikrofoon pakt en heb mit verschaaiden lu proat.
Veurzitter Fred Hulsing, regisseur Bé van der Tuuk en verschaaiden speulers. Ook de uutboater
van t zoaltje, Alle Douma, kwam zien zegje even doun. t Was n aibels schiere oavend. Dat lu
deur de 61 joar dat ze speulen tenailspeulen kinnen dat hebben wie wel zain. Willen joe t n
klaain beetje mitmoaken hou of t dij oavend der heer ging, gewoon luustern goan.
Ook in pergram Henk Puister dij n poar schiere gedichten veurleest in ‘Vantainnoartaander’. De noam van zien biedroage: ‘Bliede veur dat t zeer dut.’
En vanzulven weer schiere Grunneger laidjes. Prizzentoatsie Gerard Lunshof.

Meer waiten: www.gerardlunshof.nl

Wie loaten heuren aan meziek:

2 Körten 2 Langen – De kaans is klaain
Marcel Hensema en zeun Berend – Gras van mien laand
Troef mit Alma Loorbach – Aan zee
Martin Korthuis en Eddo Pol – Onderwegens
Bé Schmaal – k Liek zoveul op die
Rieks Folgerts en Margret Maas – k Heb die zain in traain
Zuver Scheerwol – Karnaval

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

vijftien − 15 =

Terug naar boven ↑