Algemeen

Gepubliceerd op 13 november 2012 | door Webloug

0

Tenailverainegen Sorghvliet speult Grunneger klucht



Vrijdag 16, zodderdag 17 en vrijdag 23 november speult tenailverainegen Sorghvliet de Klucht ‘Doe onneuzele‘ van Joh. E.G. Ruiter: Twij zusters bennen der langzoamerhand zat van om nog langer veur de hoesholden van heur drij vrijgezelle bruiers te zörgen en zai besloeten den ook dat der mor ais wat gebeuren mout. En dat der wat gebeurd, dat is n ding wat zeker is. Hayo mout mor ais an de vraauw. En bennen dij aandere vraauwlu nou op zien geld oet of is der messchain toch sproake van echte laifde? En den dat blode boukje dij de ronde dut, wat staait doar wel in en van wel is e ofkomsteg? En is dij Lubbert wel zo onneuzel? Apmoal vroagen worden op n prachtege wieze oplöst. Oh, joa? Worden zai aigenlieks wel oplöst? t Stuk wordt bovenstoande oavends opvoerd ien wijkcentrum Dukdalf ien Veendam.


Aanvang: 20:00 uur, zoal open vanof 19:00 uur
Entree: 5,00 euro
Wijkcentrum Dukdalf, De Reede 1, Veendam

Koarten binnen te bestellen en of te hoalen bie wijkcentrum Dukdalf. Of telefonisch via 0598-620531 of 0598-615103

Tags:



Reacties zijn gesloten

Terug naar boven ↑
  • Activiteiten