Column Jan de Jong, column

Gepubliceerd op 16 maart 2015 | door Webloug

1

’t Leven’ column van Jan de Jong

t Leven

Zien vraauw. t Is weer haildaal malheur. Hai mos der éven oet.

Poestend en stìnnend zet e hom deel noast mie op t bankje ien t plantsoen.
Hond gromt en wil aander kaant van mie zitten.

Best n oardege kerel. Ik zai hom nait haitied op tied aan kommen. Oet fersoun bin k din mainsttied gaauw n uur kwiet.

n Man dij moud der ien holdt. Gewoon deurgoan mit oam hoalen. Komt tied komt road. t Is vanzulf kommen en t zel ook wel vanzulf overbedern. Dat hom dit overkomt. Mor hai wil nait kloagen. Al staait e der wel allinneg veur.

Zai het ampaarte klachten. n Brom ien t oor. Krekt n dikke droager dij t pad kwiet is. t Linker oog dut niks aans as zuiken woar of e touholdt. Kinst ter op wachten. Schele kopzere. En van tebletten wordt zai mizzelk en gaait spijen. Hai kin der nait aan runnen. En n liefzere, vrezelk. Din mout zai der eerst bie liggen en krigt t ien rug. En swaiten, zai swimt ber oet. Om t aander dag kin e boudel verschonen. Verwarming mag ook nait meer aan. Overdag sloapen en naachts wakker vanzulf. Roamen woagenwied lös. En zó muid. Waist nait haalf van. En naarns zin aan.
Van t gevolg dat t no psychisch is.

Man man. No is e nog mor net mit VUT.
Wat n overgang.
Soamen old worden.

Hai tilt handen van knijen en stekt heur ien lucht. Zunder wat te zeggen. Kikt mie aan en trekt scholders op. Din let e heur mit n bats weer valen.
Hai geft hom over.

In gedachten kikt e over viever, recht hom rug en komt ien t inne. Vanoavend is der n oetzenden over euthanasie. Toch mor even kieken.

Zien haand vuilt over kontbuus noar zien knip.
Hai wil hom eerst mor ais n lekker viske kopen.

Tags: , ,



One Response to ’t Leven’ column van Jan de Jong

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

veertien + 10 =

Terug naar boven ↑
  • Literatuur activiteiten

    Geen nieuwe activiteiten