Literatuur Jan de Jong

Gepubliceerd op 29 september 2017 | door Jan Glas

0

Stichting t Grunneger Bouk geft nij bouk van Jan de Jong oet

Stichten t Grunneger Bouk is veurnemens om noast t joarliekse begunstegersbouk meer Grunneger bouken oet te geven in bepaarkte oploage.

Begonnen wordt mit de streekroman Stilte van wind van Jan de Jong, de schriever van t begunstegersbouk 2015: Ain van Boeskool.

t Bouk handelt over stried tussen veur- en tegenstanders van baauw van grote windmeulens stoef bie n dörp in de Veenkelonies. n Slim hedendoags bouk over t wel en wee van dörpsgemainschop dij t stoer het mit nijmoodse tied en veraanderns dij doarmit van doun hebben. Mor ook over ambities van lu, of dat nou börgmeester of krougholder, aarbaider of dikke boer is. Op achtergrond speult deur dit alles ook nog de dramoatische pesterij van n schoulwichtje mit.

t Bouk gaait over keuzes moaken, belaaid dat deurzet worden mout of nait, hebzucht, protesten en doaden van verzet. Doar tussendeur speulen de verhoalen van n poar femilies dij roakt worden deur stried ien dörp en hou of zai doarmit omgoan. Hou mout dat òflopen? n Slim lezensweerdege streekroman van Jan de Jong. Om in ain toer deur oet te lezen! Leeskemizzie van Grunneger Bouk zegt ter over: ‘Jan de Jong kin boeiend schrieven. Hai holdt lezer vast tot de leste bladziede. t Verdaint aanbevelen dat bouk op maart komt!’

Jan de Jongt Bouk van laifst 192 bladzieden verschient end oktober en gaait in de boukhandel en bie De Boukenkist € 9,95 kosten.
De oploage wordt maximoal 300. Ale begunstegers van Stichting t Grunneger Bouk en lezers van Toal en Taiken kinnen tot 1 november intaiken op ain of meer exemploaren van Stilte van wind.

Veur begunstegers van t Grunneger Bouk en lezers van Toal en Taiken geldt tot 15 november n spesioale intaikenpries van € 7,50. Verzendkosten blieven veur intaikenoaren bepaarkt tot € 1,95, ongeacht t aantal bestelde bouken. Ie kinnen portokosten oetspoaren deur joen bestellen op te hoalen bie de Boukenkist in Scheemde. (Openingstieden: woensdag en vrijdag 9.30-12.00 en 13.00-16.00 uur.)

Wees der dus snel bie as ie verzekerd wezen willen van dizze schiere streekroman!
Bestellen kin:
– per e-mail: boukenkist@hetnet.nl
– per braif of braifkoartje: De Boukenkist, Stationsstraat 11/b, 9679 EA Scheemda
– telefonisch: 0597-591135

Willen ie meer infermoatsie, mail din noar: jjdj@home.nl

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

drie + 2 =

Terug naar boven ↑
  • Literatuur activiteiten

    Geen nieuwe activiteiten