Literatuur neuteboom 620

Gepubliceerd op 18 augustus 2014 | door Webloug

0

Stichting Jan Hendrik Neuteboom opricht

Dit joar is de Stichting Jan Hendrik Neuteboom opricht. Jan Hendrik Neuteboom was n schriever van Grunneger verhoalen en gedichten, hai schreef ien t Westerwolds. Hai is ien 1865 geboren ien Vlagtwedde en was van 1884 tot 1896 onderwiezer ien Sellingen. Doarnoa is e noar Den Haag verhoesd en het doar tot 1924 les geven. Veul van zien verhoalen en gedichten verschenen ien Maandblad Groningen. Tiedgenoten as Hans Elema en Jelte Dijkstra haren Neuteboom as schriever hoog ziten en vonden dat zien waark hom meten kon mit t beste Nederlandse prozoawaark. Neuteboom is ien 1929 overleden.

Geert Luth ontdekte de teksten van Neuteboom en brocht ien 20001 t verspraaide waark soamen ien ‘De verzamelde werken van J.H. Neuteboom’. Dit joar het Luth soamen mit Geesje Vos en Jan Sleumer de Stichting Jan Hendrik Neuteboom opricht. Doel is om t waark van Jan Hendrik Neuteboom meer onder de aandacht te brengen, onder meer mit fiets- en wandelroutes laans plekken dij veurkommen ien de verhoalen van Neuteboom.

(Foto: Stichting Jan Hendrik Neuteboom)

Tags: , ,



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten