Muziek

Gepubliceerd op 9 december 2014 | door Webloug

0

Speulliest Twij Deuntjes (Week 50)

‘Kroep nait vot in schaar en dou nait zo dom. t Loug lig stil te sloapen, woaraarms slagt n klok, en bie glèn haite kaggel stopt moeke sok noa sok.’ n Fragment uut n tiedloos laidje van Peter Buwalda om zomor eefkes bie stille te stoan.

Hai geft as n hekjeperfekje op zien menaaier n nije inzicht dij de schare in ons verdrift. Grunneger meziek in aal zien kleur en fleur leeft bie hom as zee zunder gold en n kaggel zunder zolt, n boom zunder blad is as n Stadjer zunder Stad. Geregeld worden der deur ons laidjes aan joe veurschuddeld, dij vot bie joe hangen of hoaken blieven. t Binnen bie zetten de pronkjewailtjes van aal dij laidjeslu dij mit dege vakmanschop en goie opbaauw, mit oorspronkelke beelden en sekure ritme en riem, dij der din echt tou dut, t soms meer din bezunder moakt. n Grode verazzen is din inainen de combi van n archiefopnoame mit de sonore stem van stroatzanger Jan de Roos, dij bie menneg Grunneger nog wel maank d’oren huust. Vakvraauw Hanneke Kappen het in ‘Stand out from the crowd’ dizze wereldberoemde Grunneger boetenbaintje van Vraaize komòf n haile aigen stee en stem in t arrangement geven. Wat ook veur ons oflopen week n grode verazzen was. Wie stoan ook eefkes stille bie de noagelnije en hail smoakvol produceerde video clip van Tunebone. Heur aangriepend laid ‘Zeer’ over aine dij sikkom ofschaaid nemt en over wat veurbie is, is west en komt noeit weerom. De clip is in de sosjoale medioa mit recht in n rap tempo omaarmd en over de virtuele snelweg goan.

Bekiek HIER de speulliest,

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten