Muziek

Gepubliceerd op 25 november 2014 | door Webloug

0

Speulliest Twij Deuntjes (week 48)

t Gevuil dat overaal in zit. ‘Mit n Gevuil’ mit veul mooie gedachten zunder ìnd en begun, zo gaait t mit t spaigeln over ’t Olle Eel’ van Jan Luiken Bos van de Fiebeldekwinten. Mit ‘n Mooi begun’ van Jan Henk de Groot kinst n draaiörgel ruggels weeromme draaien, mor mit n melodie gaait dat wat stoer.

Ik bespeur dat de wilde gaanzen kommen. De wind dij struupt de bloaden van de bomen en regen drupt in mien gezicht. Elk joar komt dat aine beeld rondom en boven mien huus weerom. Ook bie wolkenduustere moan heb k dat geluud van boven in mien oren. As alles kloppen mout din klopt der wat nait. ‘Novembermaant’ van de Ostfraize laidjesman Jan Cornelius gaait in volle voart as n wolkenvlucht aan ons veurbie. Otto Groote uut Rhauderfehn daanst jenteg stap veur stap mit Linde Nijland ‘Danz för de Drömers’ van Richard Thompson de wiede wereld in. Wat hinkt dat lopt in ‘Lit us derom drinke’ mit Gerrit Breteler uut Fryslan. t Volle leven ligt bie hom in n minsenhaand, doar hai op zien menaaier over zegt dat wie dij voaker waskern mouten. Klaas Spekken gaait mit n kommende ‘Vorst’ achter hakken t leutje loug in. Wat dounve, de tied dij lopt ons vot en wat doun wie; wie dreumen en miemern over alles wat zomor aan ons veurbie goan is. Bruken doarveur veul fantezie en dat doun we mit t aine bain van joa en t aander bain van nee. Zo stoan wie as wegwiesder op n stee dij ons de weg wist, mor wie geven mor aal te voak doar gain oazem op. Zo rakt menneg van pad òf en zo lopt Bert Hadders & De Nozems mit zien ‘Slietoazie aan t Benul’, asof t zo wezen mos, zunder t te waiten aan laandskaande van t leven. Robert de Keijzer van Stad staait in ’Lekker Roek’ wat grammieteg stille bie t beeld van de dood dij n swienhond van aander kaant is en gain wait het van n hallozie en is al sund joar en dag zien brille kwiet. De dood komt gewoon en denkt nait aan tied.

Speulliest is HIER te bekieken.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten