Muziek

Gepubliceerd op 18 november 2014 | door Webloug

0

Speulliest Twij Deuntjes (week 47)

In Reykjavik komt n kwoajong tou school uut en aan d’aander kaant van de sekonde goan in Berlien op Alexanderplatz de deuren van tram dichte. Op t zulfde moment komt n opa in Istanboel uut tied en in Bagdad komt aan d’aander kaant van de sekonde n nije wereldbörger op wereld.

Mooie beelden en woorden van de Limbörgse laidjeszanger Ivo Rosbeek brengen ons van laiverlee noar dij ‘Aan de angere kant (van de sekonde).’ Mit de winter in t veuruutzicht zitten we goud mit t laid ‘Winter’van Fred Piek’, dat luustert bie zetten as n waarme deken en scheelt din mor zo n poar kuub gas. De Ostfraize multi-instrumentalist en zanger Herbert Bartmann vertolkt op de veur hom zo markante wieze aal tuutjefloitend ‘Wi hebben d’r wat mit’ van de legendoarische Hannes Flesner. Wie hebben ook n nijloodje van Rien van Boven toustopt kregen. De hamvroag van ‘woarom’ blift veur elkenain open stoan. Klaas Spekken verpakt n old vertelstertje veur t sloapen goan in ’n Jonkie en de moan’. De Broabantse laidjeskirrel Gerard van Maasakkers let ons weer zain hou t is as de lucht nog vol doagen zit. Hans van der Lijke het t zulf eerst nait in de goaten had, mor sund 2006 het zien verhoalende balloade over n sikkom ongelok mit n slakke op Wadwerderweg d’haile boudel aan loop kregen as n iezelke soap op t Hoogelaand. Meroal van tekst is n onnure drokte op zundag, elkenain bie t pad en maank roegte en roet kommen je mor beter nait op zundag op de Wadwerderweg, nait doun!
Speulliest is HIER ien te bekieken.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten