Muziek

Gepubliceerd op 4 november 2014 | door Webloug

0

Speulliest Twij Deuntjes (week 45)

De Troebadoers bezingen de ‘Riekdom’ en kieken doarbie wensteg weerom op heur jeugd dij mor aals te gaauw veurbie goan is. As de zummer zachies votgaait zunder glorie zunder moud en asmis zo hail veul teleurstelt. Komt de haarfst en moakt t weer goud.

Edwin Jongedijk dragt zo zien aigen haarfst in zien haart en brengt menneg van de wies. De Deense zangeressen Karen & Helene moaken goie sier mit golden haarstbloaden dij aaid vergankelk binnen. Golden tinten in de teksten van Broeder Dieleman moaken van t Zeeuwse laand zunder n g in zien tongval n kleurriek schilderij. Olaf Vos duukt mit ons ethies in de geschiedenis weerom noar de taggenteger joaren. As t om n wedstried van de mooite gaait, krigt Lianne Abeln van ons alsnog n eerste pries. n Historische opnoame uut ‘71 van Lianne mit Eddy Kamstra en t Frits Smink Rythm Orkest mit t schip ‘Voart vot en tabé’ is n pronkjewailtje en is dizz’ weke n grode verazzen uut t RONO archief. Soms wil t veurjoar winter worden en zummer is ook van de wies, körtom alles is op slag n toezeboudel. De Bayrische zangeres Claudia Koreck goeit heur schounen uut en daanst de zun in de muit. Aan t ìnd komt t din aalmoal weer goud mit Levien. Weima en vd Werf yn it Frysk hebben krek as hom hier ook de slinger aan. Speulliest is HIER te bekieken.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten