Muziek

Gepubliceerd op 14 oktober 2014 | door Webloug

0

Speulliest Twij Deuntjes (week 42)

Grunneger meziek as immaterieel aarfgoud is bie zetten tiedloos. Dizze weke besteden we aandacht aan unieke opnoames van t ensemble, koor en orkest ‘KDS’ onder laaiden van Geert van der Tuuk van t Knoal, dij was in de joaren viefteg – zesteg wied en zied bekìnd. Ze waren dou de brengers van t Grunneger laid in aal zien kleur en fleur. Ze brochten al in de midden joaren viefteg grammefoonploaten mit Grunneger laidjes uut en waren kind aan huus bie de RONO.

Wieder stoan we stille bie de nog uut te kommen spaigelploat van Lieven Tavernier mit de titelnummer “Wintergras”. De Gentenoar swint weer om as n zuikende, miemernde en integere artiest betoamt, dij zeker en vast n hang het noar haile dege en goud deurwrochte laidjes. De Limbörgse zangeres komt veurbie mit n dikke heldere ‘Writersblock’ doar menneg laidjemoaker t wel ais mit aan stok het. Doar het George Welling ducht mie gain last van, want dij komt mit road, deur te wachten as t over gaait of… waait. Harry Niehof gaait mit zien aigen opvattens van golf noar golf de daipte in van de ‘Dood‘. Weerom in de tied mit Pé Daalemmer & Rooie Rinus, dij sund begun tachteg in de veurege aiw ale joaren mit “Jochem” noar Cochem tou goan. Wia Buze schittert dizze weke mit “Aaltied allain” in n prachtege vertolken van n tekst van Harry Niehof. Wia het dit laid toudestieds opnomen veur n perduksie van stroatkraant veur thuuslozen ‘de Riepe’. Zukswat smoakt, aal luusternd, ducht mie noar meer. Wie zakken ook aal spaigelnd Botterdaip òf mit Martin Auke Korthuis. Elke waarkdag van 18:00-19:00 uur. Speulliest is HIER te bekieken.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten