Muziek

Gepubliceerd op 30 september 2014 | door Webloug

0

Speulliest Twij Deuntjes (week 40)

Poëem – t olde woord veur n groot gedicht. Van poëzie t scheppen en t herscheppen en dat aaltemoal op hail dege grond. Lyriek, toal en meziek as beglaaiders van aal dij laidjemoakers onder ons. Aine van dij haile duurzoame groten is mit recht de nou tachtegjoareg jongkirrel Leonard Cohen.

Om bie zien leste joardag stille te stoan wuir dit tiedens n gala ter ere van hom in Berlin hail groots vierd. n Keur aan Duutse grootheden hebben doar geheur aan geven. In twij deuntjes komen doardeur vertolkens van Reinhard Mey mit n blaauwe trenchcoat, Peter Maffay gaait noar Manhattan en de Beautiful Losers mit onder aander Nina Hagen en Manfred Maurenbrecher, mit n iesderstaarke Hallelujah veurbie. De Grunneger Age van der Velde zörgt veur d’Grunneger inbreng mit n hail vrije tekstbewaarken van Cohen zien ‘Blief vannacht’. Wieders uutgebraaid aandacht veur de nije CD ‘Bosklopper Tapes’ van Bert Hadders en de Nozems. Ook de Kölsche zanger Wolfgang Niedecken van BAP komt zunder stekkers mit n aibels mooie uutvoeren van zien ‘Kristaalnach’ veurbie. Zien leste live-aalbom het doarom ook de titel ‘Das Märchen vom gezogen Stecker’ mitkregen. Krödde meziek mit n stemmeg gebed in t Grunnegers noar medel van Prayer in C. Harry Niehof is hailendaal in Twijduustern riddersloagen in zien longernde exegese over t ‘Uur van de wenst’. De doagen worden körter en t gemoud staait inainen ook weer open in ‘Haarst in mien haart’ van Edwin Jongedijk. Elke waarkdag van 18:00-19:00 uur. Bekiek speulliest HIER.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten