Muziek

Gepubliceerd op 23 september 2014 | door Webloug

0

Speulliest Twij Deuntjes (week 39)

Wie hebben ducht mie weer flink wat sproakmoakende muzikoale diverdoatsie veur joe bie nkaander gaddert.

Aandacht veur de nij te verschienen CD Bosklopper-Tapes van Bert Hadders en zien Nozems mit o.a zien ‘Lola’, dij t spul bie hom in t ìnde brengen mout of wat dochten je din van ‘Moak die mor nait te drok’. t Verhoal van de sikkom vergeten Gradus mout ja verteld worden.

Weders stoanen we ook eefkes stille bie de tachtegste joardag van Leonard Cohen, Nynke Laverman zingt in goud geef Frais n haartverscheurende ‘Hallelujah’ van hom. Swing op de deel mit Rika Tjakea uut Hambörg komt veurbie mit n schiere vrije bewaarken van Charles Trenet’s zien beroemde ‘La Mer’ en doar sloet Hafennacht e.V noadloos op aan. d’Achterhoukse Stellingwaarfse laidjesman Serge Epskamp gaait mit zien ‘Leste volle moan’ mit ons de daipte in. De Noorse zangeres Kari Bremnes gaait noar de uterste pool om heur gedachten n kloare invullen te geven. Alje van Bolhuis mit zien Boetenbaintjes het de problematiek van ainzoamhaid van d’ Dreesminsen onder ons in n hail striedboar laid verpakt. t Gaait hierbie om de tied dij ons deur t aal meer twijverdainen ontbrekt om mit goud fersoun der genogt tied en aandacht aan te besteden. De Limbörger Arno Adams, n man dij zien vak verstaait, deur aal zien haartzeer in de moat van de rivier de Maas zakken te loaten. Sinead O’Connor komt as Sean Nos zangeres mit de Klassieker ‘The Parting Glass’.

Speulliest is HIER te vienden.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten