Muziek

Gepubliceerd op 20 januari 2015 | door Jan Glas

0

Speulliest Twij Deuntjes (week 3)

Elke pauze het n achterliggende gedachte en om zukswat ais goud in joen daipste innerliek ervoaren te loaten, goan we dizze weke al vast te luuster en te roade bie laidjeskirrel Gert Sennema en Westkantstad uut Griepskerk.

Gert en zien band binnen de oflopen tied drok in de weer west mit perduksie van n nije spaigelploat mit de waarktitel ‘Dit Is’, dij zoas t liekt ìnd feberwoarie op maarkt kommen zel. Wie loaten joe doar dizze weke alvast wat veurpruifkes van heuren. Boetendes stoan we ook stille bie ‘Poedie’ t antwoord van de rappers van ‘Wat Aans’ op ‘Maffiosa’ van Erwin de Vries. Olaf Vos het vlak veur Eurosonic zien tanden zet in Fireball van rapper Pittbull en dat bleek n haile goie zet. In Olaf’s vertolken gaait e noadloos over in onze Grunneger specialiteit en tröts ‘De Aaierbaal’. Uniek veur t Grunneger laand en studdie aan veroverd e deur de popmeziek zunder davve der aarg in hebben d’haile wereld. Wat d’aine nait lust doar vret d’aander zuk dik in. Kafetaria’s in Stad, elk mit n aigen gehaaim recept, draaiden oflopen weekend overuren om aal dij touraaisde hongerge artiesten en bezuikers tiedens Eurosonic en Noorderslag van aaierbalen te veurzain. Zo zain je mor weer, meziek verbruiert en brengt onze aaierbale op grode höchte.

Speulliest is HIER te bekieken.

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

4 × twee =

Terug naar boven ↑
  • Muziek activiteiten

    Geen nieuwe activiteiten