Muziek

Gepubliceerd op 16 september 2014 | door Webloug

0

Speulliest Twij Deuntjes veur ain Cent week 38

Wie goan van de weke aan loop mit de noagelnije aanstekelke ‘Harde Brödjes’ van de Gelderse Laidjesman Henry Welling uut Zeddam. Hai spirreweert wat mit zien tomtom en komt van laiverlee terechde achter n kermistende.



Syb van der Ploeg uut Fraislaand en Gé Reinders uut Limbörg goan in n meertoalege laifdesverkloaren soamen bie t pad mit ale vörms van ik hol van die. Willem Vermandere uut West-Vloandern staait dizz’keer stil bie n olde vrund dij van d’aine op d’aander dag in zien leste haarst terechde komt. Erwin de Vries gaait de daipte in mit zien Jorus, doar e ales veur aan kaande zet. Toch lösloaten vaalt nog stoer. Ook moakve n uutstapje noar t Zweden van Cornelis Vreeswijk en de nykelharpa-virtupze Emilia Amper. Wie stoan ook stille bie de Ierse zangeres Mary Black dij körtsleden aankundegd het dat ze aan loop is mit veurberaaidens van heur ofschaaidstoernee. In Twij deuntjes n haartverscheurend mooie vertolken van t laid ‘Walking with my love’ deur Mary en Finbar Furey. de Grunneger band, Vandoage komt ook mit n nij laidje veurbie mit t volle leven dat zuk volgens heur ofspeuld in n poar seconden. High Temperature, mit Herbert Grezel kinnen nait wachten tot de eerste vorst, der huft veur heur mor ain ding goud te wezen, ze willen nou al aan stamppot mous mit Hemaworst. Speulliest is HIER te bekieken. Elke weekdag van 18:00-19:00 uur.

Tags: , ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten