Literatuur

Gepubliceerd op 18 maart 2014 | door Webloug

0

Speulliest Twij Deuntjes veur Ain Cent (week 12)

Grooooode meziek in leutje toalen! Mit n goud laidje, verdreumd, deurdocht en ook nog echt beleefd kin je in körde tied hail veul gouds veur t gemoud kriegen en ook hail wied kommen. n Grunneger nijloodje: Roelof van der Velde (VANDoAGE) het n noagelnij laidje ‘Vriendin’ moakt, t is min of meer n ervoarensbericht as ode aan t older worden.

Dizze weke moaken we ook ais regelmoateg n uutstapke richten Zeelaand om percies te wezen rondomrond Breskens. Hier is de stee van laidjesmoaker Piet Brakman, dij in zien stil protest ‘Dierbaar Polderlaand’ stille staait bie t toukomstege ontpoldern van goie landbaauwgrond, dat deur n aiwege stried tegen de elementen mit veul gepokkel en geknooi dreuge legd is. Piet bruukt doarveur n melodie van Ede Staal. Ook komt Johnny Kontant (de Zeeuwse Johnny Cash) mit n n hail aigen invullen van Folsom Prison blues veurbie. De Bressioanse bluesman Ries de Vuyst wruit via Eben Haëzer wat daiper in zien Zeeuwse Femiliegeschiedenis.

Verder kriegen we n inkiekje in t volle leven van Mulder & van Gorkum uut de Liemers in de Achterhouk. Ze bezingen t hail trevvend in ‘Laeven is Leven’. Ook hebben we honderd perzent pure virtuwoze Hoageneze Flamingo meziek deur de Rêgâhs mit ‘Oh Oh me maag’ (oh oh De Haag) in d’ etaloazie. Ook de Limbörgse zangeres Maud Wilms komt mit heur lichtvouteg laidje ‘Riek’ veurbie. In de Britse Folk is ook weer hail veul moois aan loop. De topband Full English gript mit heur uutvoeren van ‘Man in the Moon’ noar n aiwenolde traditsie van al zingend verhoalen vertellen.

Elke waarkdag van 18:00-19:00 uur op Radio Noord. Speulliest is HIER te bekieken.

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten