Muziek

Gepubliceerd op 11 maart 2014 | door Webloug

0

Speulliest Twij Deuntjes veur Ain Cent (week 11)

Dizze weke hebben we zo as t heurd bie tied van t joar oardeg last van bedrieveghaid en veurjoar in de kop. Allerhaande veurjoarsklanken kommen veurbie. Hans van der Lijke bezingt t as schoonderstied mit veul zunlicht in t gemoud en Jan Henk de Groot gaait weerom noar t begun. De Platt Duutse laidjeskirrel Helmut Debus gaait in zien ‘Un doch dat lewen’ bie zetten krek as n poar ogen zo helder as sprilkiekertjes (drijkleureg vioultje) t veurjoar in.

Törf let mit zien ‘Madelot’ n tjucht Sprutters lös en slut zuk aan bie de klompendans van Rowwen Hèze. Lianne Abeln gaait in ‘Joaren Loater’ noar dij aine mooie veurjoarsdag in t Zoltkamp van dou. Om ook eefkes poëtisch stille bie te stoan kommen der ook nog wat schiere gedichten overtou. Onder aandern van Henk Puister uut 1983. Elke waarkdag van 18:00-19:00 uur op Radio Noord. Speulliest is HIER te bekieken.

Tags:



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten