Algemeen toezeboudel

Gepubliceerd op 3 november 2018 | door Jan Glas

0

Schriever Nico Torrenga weke 45 te gast in Toezeboudel

Nijkommer Nico Torrenga al noa drij joar gain onbekende meer in t Grunneger wereldje. In 2015, drij joar leden dus, is e bie touval mit de schrieverij in aanroaken kommen. Lu van de tenailverainen ‘Damster Komedie’ haren gain nij stuk om te spelen. ‘Din schrief ik wel aine!’, het Nico dou zegd. En zo is t kommen. Meneer haar smoak te pakken en zo is t wieder goan. In drij joar tied het e nou al sikkom 14 stukken schreven. En hai gaait mor deur. Ook is der n bouk mit körde verhoalen van hom uutkommen ‘Tied veur dieverdoatsie. Doar mouten wie, van Toezeboudel, toch meer van waiten. Doarom het Gerard Lunshof, bie Nico aan keukentoavel, mit hom proat. En dat kinnen ie apmoal in dizze uutzenden heuren. Ook leest e n verhoal veur uut t bouk. t Verhoal dij e leest is, ‘Kapstertje’. De muite weerd.
Ook in dizze uutzenden in ‘Vantainnoartaander’ n verhoal van Reinder Willen Hiemstra. Hai leest veur, ’t Woapen’. Wieder vanzulfm weer schiere laidjes dij veurbie kommen.
Prizzentoatsie, soamenstellen en knuterij Gerard Lunshof.
Meer waiten? www.gerardlunshof.nl

Wie loaten heuren aan meziek:

Roelof van der Velde – Vrumde
Törf – Ooste wind
Sproakwotter – Dreum van n vlinder
Bé Schmaal – Zwait en zwoare Sjek
Gert Sennema – De tuun
Hans van der Lijke – Onder t asfalt
Irene Wilkkens en Sikkom Kult – Wat west is

Nico Torrenga leest ‘Kapstertje’:

Tags: , , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

acht − vier =

Terug naar boven ↑
  • Activiteiten