Literatuur gerrit wassing

Gepubliceerd op 24 maart 2015 | door Jan Glas

0

Schriever Gerrit Wassing oet tied kommen

Vrijdag 20 meert is schriever Gerrit Wassing oet tied kommen. Wassing gruide op ien Stad en studeerde doar rechten en kunstgeschiedenis, ien Leiden en Amsterdam studeerde hai theologie en egyptologie. Hai was predikant ien Dantumawoude en Leeuwarden verder was e n poar joar legerpredikant. Hai woonde hiernoa ien Spanje en op Ameland. Sunt 1999 woonde hij ien Azzen. Zien haile leven het Wassing geern schreven, as kiend veul braiven en loader elke week n preek. Noa zien pensioun begon e poëzie (haiku) en prozoa te schrieven ien t Stads Grunnegs. Thema ien zien waark is ontmoeten, tussen minsen, ideeën, godsdainsten, tussen vogels en bomen. Veur novelle ‘Met de vouten in t wotter’ (2000) kreeg Wassing de Literaire pries van stichten t Grunnger Bouk. Veur t verhoal ‘De poppenspeuler’ kreeg e ien 2003 de Tine Clevering-Meijer Prijs. Wassing is 89 joar worden. Hai wordt dunderdag ien besloten kring cremeerd.

Tags:



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

twaalf − 7 =

Terug naar boven ↑
  • Literatuur activiteiten

    Geen nieuwe activiteiten