Muziek

Gepubliceerd op 9 maart 2013 | door Webloug

0

Schriever Bert Uil bie Twij Deuntjes veur Ain Cent

RTV Noord staait van zundag 10 meert t/m zodderdag 16 meert in t taiken van de Grunneger toal. Ook t deurdeweekse populaire streektoalmeziekpergram  “Twij deuntjes veur ain cent” gaait dit moal ook wat specioals doun.
Noast de meziek, nou ook ais aandacht veur t staarke verhoal.  Op d’helfte van t pergram, om en bie haalf zeuven soavends  leest de Grunneger bestseller auteur Bert Uil uut Winschoot n aantal gnivvelachtege  verhoalen  veur.
Bert Uil wordt vandoag de dag zain as de best verkopende Grunneger schriever van de 21ste aiw. Zien verhoalenbundels:‘Woarhaid en kovvie’‘kovvie staait kloar’ en ‘Das aandere kovvie’ vlogen in grode oploagen tou winkel uut.  De goie verkoop van dizze bouken was din ook reden genogt veur d’uutgever om der n omnibus ’Zuvere kovvie’ van soamen te stellen.
In zien verhoalen over t echtpoar Appie en Geeske Stainhoes beschrift e hail helder en mit n görtdreuge ondertoon,  t aaldoagse leven mit aal zien vreugdes en ongemakken.  
Men kin doarbie mit recht zeggen dat de Winschoter schriever Bert Uil t Grunneger gevuil van hail gewone lu tot de leste fits en foazel in de vingers het. t Liekt bie zetten asof de volksschriever zien leste belevenis in n smui toalgebruuk lichtvouteg noar veuren brengt. Doar komt ook nog bie dat je of en tou t gevuil hebben dat t over joe zulf of joen buren gaait. Herkenboare verhoalen liek uut t haart zunder aal te veul opsmuk.  Der is din mit recht over zegd dat zien verhoalen n bodem veur t behold van de Grunneger toal van nou is.

Tags: ,



Reacties zijn gesloten

Terug naar boven ↑
  • Muziek activiteiten

    Geen nieuwe activiteiten