Literatuur

Gepubliceerd op 21 januari 2013 | door Webloug

0

Schrief n verhoal veur ‘Het Schierste Verhoal 2013’

Net as veureg joar organizeert Stichting Mien Westerkwartier n schriefwedstried veur nije vertelverhoalen. Dit joar is t themoa ‘Beroepen en Ambachtslieden’. Aan joe t verzuik n schier verhoal te schrieven over n biezunder beroep of vakman/vraauw oet t Westerkwartier. t Gaait om verhoalen dij bie oetstek geschikt binnen om veur te lezen en ze worden veurlezen deur de verstellers van t vertelcollectief  ‘Kom op Verhoal’. Joen ienzenden mot veur 1 april 2013 ien bezit wezen van Mien Westerkwartier.

Der binnen n poar regels: t Verhoal mot n dudelke link hemmen mit t Westerkwartier. t Verhoal mag ien t Nederlands en ien de streektoal schreven wezen, Mien Westerkwartier kin zörgen veur n vertoalen as dat neudeg is. t Veurlezen van t verhoal mag nait laanger as 15 minuten duren.
Lees veir meer info op webstee van MIEN WESTERKWARTIER

Tags:



Reacties zijn gesloten

Terug naar boven ↑
  • Literatuur activiteiten

    Geen nieuwe activiteiten