Column Jan de Jong, column

Gepubliceerd op 18 mei 2016 | door Webloug

1

‘Schiet-ien-boksem’ column van Jan de Jong

Schiet-ien-boksem

‘Bistoe din nooit baang? Of baang west?’ Heur grode broene ogen boven daibe walen en t blaike vel vertellen nog van stried tegen kanker. Aander vraauwlu swiegen en ain schoft veur op stoul. ‘Tou mor ais even. Of hebben kerels doar gain last van?’
Ik kiek eefkes rond. Dudelk, ik bin ien soort ien de minderhaid.

Angst.

‘Wenneer moakt t leven joe baang? En wat? Wat as ie doaglieks ien angst leven? Binnen ie din nog wel gelukkeg? En geluk, wat mouten ie joe doar din wel nait bie veurstellen?’

Ien ainen schut mie t deur t zin: ‘Angst is n slechte roadgever. *En, “een mens lijdt dikwijls ’t meest door ’t lijden dat hij vreest, doch dat nooit op komt dagen. Zo heeft hij meer te dragen dan God te dragen geeft.”’

‘n Cliché.’ Zai krigt mie bie d’aarm. ‘Gefs ons gain antwoord.’
Ik kiek heur apmoal ais aan. Jonge vraauwen en kanker, elk mit heur aigen verhoal. Dapper, mor ook angst en baang. Zol angst ook te revalideren weden bedenk ik mie.

‘Vaaier joar. Eerste moal dat k baang was. Vief maai, bevrijdingsdag. Feest, n puut vol slik en ik jaauwsterde smirregs t hail hoes bienkander. Koeskillen. Pa was rezeluut. Mit maddeln en spaddeln en n wats aan d’oren kreeg e mien baintjes ien fietstaas, gepsen vaast en van ain kaant Daam noar tandarts haildaal aander kaant. Ik brulde hail wereld bie nkander. Onderwegens zag pa ien Daam n bekìnde, stopte en mos even kwakken. Intied haar ik baintjes oet fietstaas. Dou e t gat vernijs aan t zoadel kreeg wupte ik van pakjesdroager en reet ter vantusken.
Weer ien hoes zag k n hail zet loader pa ien n dunderwolk achterom kommen. t Swait dik veur de kop. Dat was twijde moal.’
Ik kiek op klok aan muur en schoef stoul noar achtern. ‘Eerst circuit training ien sportzoal.’
‘Joa hur, kerels en tandartsen.’ Wordt laagd.

Zai komt noast mie lopen. ‘Wat as toukomst mie baang moakt? En van weerom kieken niks as verdrait? Ik dreum doar van.’
Angst. Ien wat veur n dreum leven ie wel nait?

Mor, kins wel leven zunder achterom kieken en zunder te dreumen?

*In de loop der jaren hebben vele mensen zich afgevraagd wie deze regels heeft gedicht. De meest genoemde namen zijn: D.R. Camphuysen, P.A. de Genestet, Jac. Revius, Nicolaas Beets, Guido Gezelle, Isaac da Costa, Christiaan Huygens en E. Laurillard. In het Letterkundig woordenboek van Noord en Zuid (1952) van K. ter Laan wordt het zonder meer toegeschreven aan Revius (1586-1658).

Tags: , ,



One Response to ‘Schiet-ien-boksem’ column van Jan de Jong

Geef een antwoord

Het e-mailadres wordt niet gepubliceerd. Vereiste velden zijn gemarkeerd met *

vier × vier =

Terug naar boven ↑
  • Literatuur activiteiten

    Geen nieuwe activiteiten