Algemeen

Gepubliceerd op 24 maart 2014 | door Webloug

0

RTV Noord gaait hail week op Grunnegs

As ofsloeten van Meertmoand Dialektmoand holdt Radio Noord van 23 tot en mit 29 meert heur Grunneger Week. Doarin allerlei activiteiten; van meziek tot Grunnegse les, van t Schierste Woord tot Diktee.

Te lezen op de webstee van RTV Noord:

Op zundag begunt de Grunneger Week op radio in de Noordmannen mit n mörn vol staarke verhoalen. Deurdeweeks de haile dag deur Groningana op radio, tv, facebouk en webstee mit leskes, (live)meziek, spelletjes en Grunneger reportages. In t radiopergram ‘Twij deuntjes veur ain cent’ leest de schriever Jan siebo Uffen ale oavends n verhoal veur.

Op vrijdag op tv n biezunder experiment. Wie doun om en om n oetzenden in t Grunnegs en n oetzenden in t Nederlaands. Doarin wordt ook t Schierste Grunneger Woord 2014 bekìnd mokt.

t Klapstuk is op zotterdag mit t groot Grunneger Diktee op TV Noord. Mit bekinde Grunnegers zo as Alina Kiers, Sijtse Scheeringa, Marlene Bakker en Hans van der Lijke. Prezentoatsie Marcel Nieuwenweg en ainegst jurylid Fré Schreiber. En vanzulf kinnen je thoes gewoon mitdoun!

Tags: , , ,



Reacties zijn gesloten

Terug naar boven ↑
  • Activiteiten