Algemeen toezeboudel

Gepubliceerd op 12 januari 2019 | door Jan Glas

0

Robb Kauffman en òfschaaid van Chris Ridenberg in Toezeboudel

Menneg persoon dij in d’stad mit meziek aan loop is en doar speuld het kin hom, Robb Kauffman. Roem zesteg joar zit e in t organisaaiern van meziekfestivals. Bekende evenementen dij doar bie heuren binnen, Noorderzon, Noorderslag en Sterren in het park. Al het t mor n joar duurt, Tour 66 was ook n kindje van hom. ‘Appolo’ ook wel ‘Concert zaal de Jong’ nuimd, bie de jeugd ‘Diddeldoevie’ het t langer volholden. Braand moakte n ind aan de concertzoal. Verschaaiden bands hebben doar speuld. n Poar noamen The Outsiders mit Wally Tax en The Motions. Vrouger luip Robb, mit laank hoar, mor dat is e al joaren kwiet. Nou is e bestuurslid van de Grunneger Sproak en organisaaiery hai o.a. t Grunneger Laidjesfestival. Opgeven kin nog tot 15 jannewoarie via laidjesfestival2019@deraatheater.nl. Ook kinnen ie noar d’nijjoarsveziede op 22
jannewoarie’, zo vertelt hai ons. Doar vertelt Robb joe meer over. Robb is n schiere proater en as ie ales waiten willen, gewoon luustern.

Luuster ook noar uutzenden van 6 jannewoarie woarien aandacht veur t uut tied kommen van Chris Ridenberg. Vanòf 1985 aan loop mit t Grunnegs. Ain LP en twij CD’s het e uutbrocht. Dat e der mit stoppen mos was vanwege n slimme zaikte. Op 29 december 2018 is Chris, uuttiedkommen. 25 joar laank was e elke zundagmörgen ook te heuren in Toezeboudel, omreden hai t begunlaid moakt haar veur Toezeboudel. Soamen mit Henk Puister zel wie hom even weer veur t voutlicht hoalen. En bedanken veur wat e zoaal veur t Grunnegs doan het.

www.gerardlunshof.nl
Wieder in t pergram n verhoal van Reinder Willem Hiemstra.
Pizzentoatsie Gerard Lunshof.

Wie loaten heuren aan meziek:

Harm Tabak – Nait de leste
René Beverwijk – Ik heb altied wat
Irene Wilkens mit Sikkom Kult – Zundagskind
Harry Niehof mit Los Bomberos – Swaade leegte
André Brals – Bruilofsfeest
Manlu – Zolaank te wachten (Winnoar Grunneger laidjesfestival 2018)

Chris Ridenberg mit ‘Moi Stad’

Henk Puister vertelt over Chris Ridenberg

Deel dit bericht
Share on Facebook
Facebook
Tweet about this on Twitter
Twitter
Share on LinkedIn
Linkedin

Tags: , ,



Geef een reactie

Het e-mailadres wordt niet gepubliceerd. Vereiste velden zijn gemarkeerd met *

acht + 7 =

Terug naar boven ↑